S‘is ois a weng ondas, va da Fria bis auf d’Nocht. Koa Frühstück, koa Ess‘n, wos ma da Oma hom brocht. Koa Rumpln midn Rollator in olla Fruah Richtung Klo, koa „Gu Moang“ mehr, „Frau Menk, des Hüfswerk is do.“ Koa Woatn auf d’Zeitung, dass wos Neichs lesen kau. Zwischendurch woan wieda d’Romanhelftln drau. Koa Schaun geh vor d’Haustia, etla moi glei am Tog, ob ned vielleicht amoi da Kota eina geh‘n mog. Koa Woatn auf d’Cilli, die oiwei s‘Kiachablattl hot brocht. Koa Fernsehn midn Assinger am Montag auf d’Nocht. Koa Jammern, koa Nörgeln, dass ihr ned so guat geht, oba a koa Wispeln wia s‘ in Rosenkraunz hot bet. Is gonz schnö stad woan, im Haus bei uns untn. Owa du host jetzt beim Herrgott dei wohre Hoamat gfunden. S‘is ois a weng aundas….

Unsere aufrichtige Anteilnahme zum Ableben der Mutter!

Ruhe in Frieden